حوادث وجرائم

تجارب الموت

تجارب الموت

تجارب الموت

تجارب الموت
اسطورة صينية بتحكي قصة عالم اسمه وان هو عاش في القرن السادس عشر حاول انه يصنع كرسي مخصوص فيه قاعدة صاروخية علشان ترفعه للفضاء الخارجي.

في اسطورة صينية بتحكي قصة عالم اسمه “وان هو” وده  عاش في القرن السادس عشر حاول انه يصنع كرسي مخصوص فيه قاعدة صاروخية علشان ترفعه للفضاء الخارجي , بس التجربة فشلت وانفجر الكرسي فيه, اللي احنا عايزين نقوله ان مش وان هو لوحده اللي فقد حياته علشان تجربة فاشلة , الحقيقة ان فيه غيره كتير هنحاول نتكلم عن شوية منهم:




 إسماعيل بن حماد الجوهري

عالم مسلم من فاراب من بلاد الترك مشهور انه ألف قاموس الصحاح في اللغة العربية و مات بعد ماحاول الطيران من فوق مسجد في مدينة نيسابور في الفترة بين سنة 1002 إلى 1008 م , بجناحين مصنوعين من الخشب وكان بيربط بينهم حبل .

الجوهري

 

 فرمينيه

في سنة 1772 حاول الفرنسي فرمينيه انه يخترع جهاز تنفس تحت المياة , عن طريق تدوير الهواء داخل برميل استخدمه لتعبئة الهوا بس لسوء حظه كان اختراعه مافهوش امكانيات , وانتهى الموضوع انه مات بعد تجربة الجهاز ب20 دقيقة .

جهاز-التنفس-تحت-الماء

 

  جان فرانسو بلاتر دي روزيه

كيميائي وفيزيائي فرنسي , ذاعت شهرته في عالم الطيران , بس مات هو وزميله بيير رومين سنة 1785 م فوق قناة انجليزية لما كانوا بيجربوا منطاد هناك , وبيعتبر الاتنين دول اول اللي ماتوا في حوادث تحطم المناطيد .

جان-فرانسوا-بيلاتر-دي-روزيه

 




  ويليام بولوك

في سنة 1867 حاول انه يخترع آلة الطباعة الدوارة اللي عملت ثورة في عالم الطباعة بسبب سرعتها ودقتها بس للاسف فقد رجليه وهو بيحاول يصلح آلة من اختراعه وبعدها مات بعد اجراء عملية بتر لرجله.

ويليام-بولوك

 

  هنري فليوس

عالم انجليزي حاول في سنة 1876 م , اختراع نظام للتنفس على شكل دائرة مغلقة بتتملي بالاكسجين المضغوط بدل الهوا جوه انبوبتين متعلقين في حاجة زي البدلة , الاختراع كان علشان يصلح الابواب الحديدية في غرف قيادة السفن , ومات بعد ما قرر انه يستخدمه على عمق 30 قدم تحت المياة وده بسبب ان الاكسجين النقي بيتحول لغاز سام تحت الضغط.

هنري

 

 فرانز راتشيلت

عالم فرنسي من اصل نمساوي كان بيشتغل خياط , حاول انه ينط من فوق برج ايفل بعد ما ارتدى بدلة على شكل مظلة كان صممها , علشان يموت بعد ما وقع على الجليد المتراكم اسفل البرج سنة 1912 م .

فرانز-راتشيلت

 




  ماكس فاليير

رائد المحركات الصاروخية النمساوي , اشتغل مع رائد صناعة العربيات الالماني فريتز فون أوبل في العربيات والطايرات اللي بتستخدم محركات صاروخية بتشتغل بوقود الكحول السائل و مات في سنة 1930 بعد انفجار محرك صاروخي لما كان بيجربه في مدينة برلين الالمانية.

ماكس-فالير

 

  توماس ميدجلي

ده مهندس ميكانيكي امريكي كان عنده شلل حاول انه يخترع آلة تساعده انه يقوم من السرير وهي عبارة عن نظام معين بحبال وروافع , بس مات في سنة 1944 مخنوق بين حبال الآلة .

توماس-ميدجلي

 

  كارل سوسيك

عالم كندي اشتهر باختراعه لكبسولة القفز بالالعاب الترفيهية, نجا في اول محاولة وديه اللي قام بيها في شلالات نياجرا , بعدها قامت شركة بدفع مبلغ لتمويله علشان يعيد التجربة بالنط من فوق مرصد النجوم في هيوستن في ارتفاع 180 قدم جوه برميل مجهز علشان يمشي في شلال صناعي , بس مات للاسف لان البرميل انحرف عن المسار اللي كان المفروض هيمشي فيه .

كارل-سوسيك




إغلاق