حوادث وجرائم

السلخ والغلي وانتزاع الأحشاء .. وحشية التعذيب بالصور

السلخ والغلي وانتزاع الأحشاء .. وحشية التعذيب بالصور

كانت كل المجتمعات بتستخدم التعذيب علشان توقف المجرمين وعلشان يقضوا على الخونة, كمان كان بيستخدمه الحكام الديكتاتوريين , علشان يقضوا على معارضيهم ولتخويف شعوبهم علشان يسيطروا على السلطة:




  السلخ

وديه واحدة من افظع طرق الاعدام , كانوا بيربطوا ايدين المتهم فوق راسه وبعدها يسلخوا جلدوا وهو حي, من أول الوجه بسكينة , واشهر مثال على الموضوع ده الفيلسوفة هيباتيا اللي قتلها مجموعة من المتشددين في الاسكندرية وسلخوها حية باستخدام صدف حاد.

السلخ



  الغلي

بيجردوا المتهم من هدوموه , بعدها بيحدفوه في غلاية مليانة بالمياة أو الزيت او القطران او الشمع أو النبيذ او الرصاص المذاب , وكانوا بيستخدموا الطريقة ديه في كذا مكان في اوروبا واسيا.

الغلي

 

 تقطيع اللحم

ظهرت الطريقة ديه في الصين حوالي سنة 900 م, واتمنعت سنة 1905 , وكانت بتستخدم ضد أسوأ المجرمين , كانوا بيستخدموا سكينة حادة علشان يقطعوا اللحم ,وكانوا بيدوا المتهم افيون علشان يستحمل تقطيع ألف قطعة لحم من جسمه.

تقطيع اللحم

 

  الشطر بالمنشار

كانوا بيستخدموها في العصور الوسطى , كانوا بيعلقوا المتهم من رجليه ويبدأوا التقطيع بالمنشار من نص الجسم , لغاية ما يبقى الجسم نصين , بعدها يجي الدور على الراس اللي بينشروها نصين بردوا علشان يموت المتهم بعد عذاب شديد , وكانت الطريقة ديه بتستخدم في الامبراطورية الرومانية.

الشطر بالمنشار



 عجلة كاثرين

بيسموها بردوا العجلة الكاسرة , كانوا بيستخدموها في العصور الوسطى, كانوا بيربطوا المجرم في عجلة ضخمة علشان تاكله الطيور , وكان بيموت في خلال يومين او تلاتة , اما بقى لو كانوا عايزين ليه الرحمة من الموت البطيء فكانوا بيكسروا عضم الصدر والعنق علشان يموت على طول .

عجلة كاثرين

 

 استئصال الأحشاء

وسيلة مرعبة كانوا بيستخدموها لمعاقبة الحرامية والمجرمين بالخصوص المتهمين بالاغتصاب , فكان المتهم بينام ويزيلوا احشائه حسب جريمته وخصوصًا اعضاء البطن , وانتشرت العقوبة ديه في انجلترا واليابان وهولندا وبلجيكا , وكان في اليابان بيسئصلوا الامعاء وبيسبوه بعدها ياخد العدوى ويموت, اما في القرون الوسطى فكانوا بيفتحوا البطن ويجيبوا الفيران والقوارض علشان تاكل من امعاء المتهم.

اسئصال المعدة

 

 الأعدام بالخازوق

وديه من ابشع العقوبات بالرغم من انها نادر ماكانوا بينفذوها , كانوا بيدخلوا العصاية او الخازوق من اي جانب من جوانب الجسم او من فتحة الشرج او الفم او اي مكان وكانت منتشرة في انجلترا وألمانيا وروسيا ورومانيا وجنوب شرق أسيا في القرون الوسطى , ومن اشهر ناس ماتت بالطريقة ديه سليمان الحلبي اللي عقبوه علشان قتل كليبر , كمان كانت منتشرة في القرن 15 في رومانيا وقت فلاد الثالث المخوزق اللي معروف بدراكولا, واللي يتقال انه قتل 80 ألف شخص بالطريقة ديه .

التعذيب بالخازوق

 




 القتل عن طريق الدهس

انتشرت الطريقة ديه في جنوب شرق اسيا وبالخصوص في فيتنام على مدار ال4000 سنة اللي فاتت وكان بيحطوا راس المتهم على صخرة ويجيبوا فيل ضخم علشان يدوس عليها برجليه اللي قدام , بعد كدا اتطورت وبقت عبارة عن صخرة بتتحط على صدر المتهم علشان تمنعه عن التنفس.

دهس الفيلة

 

 التعذيب بالفئران

كانوا بيستخدموا الطريقة ديه في العصور الوسطى في الصين , فكانوا بيثبتوا قفص فيران فوق جسم المتهم ويحطوا فحم مولع فوق القفص وبيسخنا الهوا في القفص , علشان يخوفوا الفيران اللي بتفضل تقطع في جسم المتهم علشان تهرب من النار

التعذيب -بالفئران

 

 الموت بالعسل

استخدم الطريقة ديه الفرس , كانوا بيربطوا المجرم بين مركبين في بحيرة أو بركة , ويدهنوا جسمه باللبن والعسل علشان يجذبوا ليه الدبان والحشرات وبيسبوا الحشرات تاكل في الجسم وتحط بيضها لغاية ما يموت بعد ايام او اسابيع .

التعذيب بالعسل




مقالات ذات صلة

إغلاق