غرائب وعجائب

اتفرج على عجايب سوق دبي للذهب

اتفرج على عجايب سوق دبي للذهب

دبي قدرت في الكام سنة الأخيرة أنها تثبت إنها واحدة من أهم البلاد في العالم اللي اتحولت لواجهة سياحية عالمية كأنها قطعة من أحسن مدن أوروبا، وقدرت تنقل الإمارات نقله تانية خلت السياح بيدوروا عليها في أجازتهم ورقم واحد لآكتر من سبب أولا مكانها وأجواءها اللي الشمس فيها مسيطرة على عكس باقي دول أوروبا المتلجة.




ومش بس الهواء الجو اللي بيجذب السياح لدبي، إلا أنها قدرت تعمل نقلة حضارية ضخمة في فترة زمنية صغيرة، بعد ما حكمها ادركوا إن البترول هيجيله يوم ويخلص وعشان يقدروا يحافظوا على ثرائهم حولوا بلدهم لمزيج من التقدم العالي جدا والمباني اللي تخطت في جمالها باقي دول العالم والخدمات والمستوى المادي والمعيشي بشكل عام.

مجرد ما توصل الامارات بشكل عام ودبي بشكل خاص هتحس إنك وصلت لمكان عالمي حرفيا محتضن كل الجنسيات مفيش فرق بين أي دولة والاحترام والقانون هو اللي بيمشي البلد من أول الحاكم نفسه لحد أي زائر.




رغم كل ده اللي خلى دبى أهم الأمارات دون عن باقي مدن الامارات، إنها اتحولت لوجهة التسوق رقم واحد عالميًا، ومهما كانت السلع نادرة وفريدة من نوعها هتلاقيها هناك، ومن الحاجات دي الدهب لآن دبي فيها واحد من أضخم أسواق الدهب في العالم كله، وبكميات ضخمة جدًا، ممكن عادي تلاقي العقد بطول صاحبته.

غير أسواق المجوهات اللي أكبر الماركات العالمية ليها فروع اساسية هناك ده لو مش الفرع الرئيسي، ومن أكتر الحاجات اللي ميزت عالم المجوهرات هناك، هو تنوع الأذواق بشكل ملحوظ يعني ممكن تلاقي القطع الصغيرة جدًا والقطع اللي أطول منك، والأشكال والتصميم اللي بتتعمل مخصوص بالشكل والحجم والتمن اللي تحدده، غير إنك متستعجبش لو لقيت حد بيشتري هناك بالكيلوا على طول مش الجرام لآن في قطع بيعدي وزنها 2 و3 كيلو دهب وفي بيشتروا بالسبيكة على طول..

يعتبر سوق الذهب  تم افتتاحه في عام 1940 بمجموعة من التجار ورجال الأعمال  من إيران والهند، والمنطقة في وقت قليل قدر تتحول من مجرد محلات عادية كلاسيكسية لأضخم سوق للدهب في العالم واتحولت لممرات كتير كل محل فيها ليه لوحة عرض ضخمة لمنتجاته، غير شاشات الالكترونية بتعرض أسعار الدهب وأحدث المجموعات اللي عنده.




غير إن المحلات  فيها  أجهزة إنذار عالية الدقة تم تصنيعها مخصوص ليهم عشان يستخدموها حماية البضائع الثمينة في المتاجر خاصة أثناء الليل وفترة إغلاق المتاجر، ويعتبر سوق الذهب من أفضل الأسواق الخاصة ببيع الذهب والذي يقدم أسعار أرخص بكثير من الذهب في أوروبا والولايات المتحدة الأمريكية.

السوق تقدر تروحله وأنت في دبي بأكتر من مواصلة، سواء المترو أو اتوبيس او التاكسي المائي، وهو موجود في شارع السبخة، وكده كده مجرد ما تقول للتاكس سوق الدهب هتلاقيه من أشهر معالم البلد، تعالى بقى ناخد جولة في الصور الجية دي للسوق نفسه.




تعليقات الفيسبوك

مقالات ذات صلة

إغلاق